"ПСЖ" "Лион"нинг ҳужумкор ярим ҳимоячиси Райан Шеркини сотиб олишга уринишлари муваффақиятсизликка учради.
Париж гранди 20 ёшли футболчи учун бонуслар билан бирга тахминан 15 миллион евро таклиф қилганди, аммо бундай шартлар "Лион"ни қониқтирмади. Инсайдер Фабрицио Романонинг сўзларига кўра, "Лион" раҳбарияти ўз тарбияланувчисини келажакда қайта сотишдан катта даромад олишни истамоқда ва шунинг учун келишувга тегишли бандни киритишни талаб қилмоқда. "ПСЖ" ҳали курашни тарк этгани йўқ ва музокараларни давом эттирмоқда.
Райан Шерки сўнгги Лига 1 мавсумида 33 та ўйинда майдонга тушиб, 1 та гол ва 6 та голли узатмага муаллифлик қилди. Ўйинчининг амалдаги шартномаси бир йилдан кейин тугайди.
