Ispaniya terma jamoasi bosh murabbiyi Luis de la Fuente Italiyaga qarshi bo‘lib o‘tadigan o‘yin haqidagi fikrlari bilan o‘rtoqlashdi.
"Ular bizga juda o‘xshash. Italiya terma jamoasida murabbiy almashdi, u yerda yosh futbolchilar bor. Bu juda raqobatbardosh jamoa.
Ularga qarash xuddi oynaga qarashga o‘xshaydi. Bizda barqarorlik va hamjihatlik ustida ishlayotgan jamoa o‘sib bormoqda va Italiya haqida ham shunday deyish mumkin. O‘ylaymanki, bizni sifatli o‘yin kutmoqda. Bu futbol klassikasi – bunday uchrashuv Yevropa yoki jahon chempionatlari finaliga loyiq”, — deya ispan bosh murabbiyi so‘zlarini keltiradi Fotmob.
