Rossiya Federasiyasining Qozon shahri mezbonlik qilayotgan VI BRIKS o‘yinlarining yettinchi kuni ortda qoldi.

O‘zbekiston delegasiyasi uchun kechagi kun muvaffaqiyatli o‘tdi. Kun davomida atletlarimiz 1 ta oltin, 1 ta kumush va 3 ta bronza medallarini jamg‘arishga erishishdi.

Tajribali kanoechimiz Artur Guliyev 200 metr masofada oltin medal sohibiga aylandi. Ayollar kurashi vakilasi Nigina Sobirova kumush medalni qo‘lga kiritdi. Qolgan 3 ta bronza medalini ham ayollar kurashi vakilalari terma jamoamizga taqdim etishdi.

Kechagi kun qahramonlarimiz:

Oltin medal:

Artur Guliyev (kanoe, 200 metr)

Kumush medal:

Nigina Sobirova (ayollar kurashi, -62 kg)

Bronza medallar:

Dilfuza Aimbetova (ayollar kurashi, -59 kg)

Dinora Rustamova (ayollar kurashi, -65 kg)

Svetlana Oqnazarova (ayollar kurashi, -72 kg)

Yettinchi kundan so‘ng O‘zbekiston delegasiyasi 4 ta oltin, 13 ta kumush va 21 ta bronza medallari bilan Rossiya, Belarus va Xitoy jamoalaridan so‘ng umumjamoa hisobida to‘rtinchi o‘ringa ko‘tarilib oldi.