Niderlandiya terma jamoasi bosh murabbiyi Ronald Kuman Chempionlar ligasi doirasidagi «Bavariya» – «Real» (4:3) uchrashuvida Eduardu Kamavinganing maydondan chetlatilishiga munosabat bildirdi.
«Agar men murabbiy bo‘lganimda, hakamdan ko‘ra futbolchidan ko‘proq g‘azablangan bo‘lardim. Hakamga bahsli qaror qabul qilish uchun asos berib qo‘ymaslik kerak», — deya Kumanning so‘zlarini keltiradi Marca.
Kumanning ta’kidlashicha, ikkinchi sariq kartochka holatida qoida buzilishi u qadar qo‘pol bo‘lmagan, biroq futbolchi hushtaqdan keyin to‘pni to‘xtatib qolgani uchun vaziyatni yomonlashtirgan.
Eslatib o‘tamiz, avvalroq «Real» bosh murabbiyi Alvaro Arbeloa hakamni tanqid qilib, chetlatish haqidagi qarorni adolatsiz deb atagan edi.
