«Barselona» va «Palmeyras» klublari 16 yoshli vinger Eduardo Konseysao transferi bo‘yicha muzokaralar olib bormoqda.

As nashrining yozishicha, klublar o‘rtasidagi muzokaralar tez va ijobiy ruhda davom etmoqda.

Xabar qilinishicha, futbolchining shartnomasida belgilangan tovon puli 100 million yevroni tashkil qiladi, biroq «Palmeyras» o‘yinchini ushbu summaning yarmiga — 50 million yevroga sotishi mumkin.

Konseysao hali «Palmeyras»ning asosiy jamoasida birorta ham rasmiy o‘yin o‘tkazgani yo‘q. Shuningdek, avvalroq unga «Manchester Siti», «PSJ» va «Chelsi» kabi klublar ham qiziqish bildirayotgani haqida xabar berilgan edi.