Slovakiya va Ukraina terma jamoalari to‘qnash kelgan Yevropa chempionati "E" guruhi 2-tur uchrashuvi yakunlandi. Jamoalar Dyusseldorfda o‘zaro bahs olib borishdi. Ukraina terma jamoasi 2:1 hisobida zafar quchdi.
17-daqiqada Slovakiya terma jamoasi hujumchisi Ivan Shrans hisobni ochdi. 54-daqiqada yarim himoyachi Nikolay Shaparenko Ukraina terma jamoasining javob golini kiritdi. 80-daqiqada hujumchi Roman Yaremchuk Ukraina termasini oldinga olib chiqdi - 2:1.
1-turda Slovakiya terma jamoasi Belgiyani 1:0 hisobida mag‘lub etgan bo‘lsa, Ukraina terma jamoasi Ruminiyaga 0:3 hisobida imkoniyatni boy bergan edi.
