Словакия ва Украина терма жамоалари тўқнаш келган Европа чемпионати "E" гуруҳи 2-тур учрашуви якунланди. Жамоалар Дюсселдорфда ўзаро баҳс олиб боришди. Украина терма жамоаси 2:1 ҳисобида зафар қучди.
17-дақиқада Словакия терма жамоаси ҳужумчиси Иван Шранс ҳисобни очди. 54-дақиқада ярим ҳимоячи Николай Шапаренко Украина терма жамоасининг жавоб голини киритди. 80-дақиқада ҳужумчи Роман Яремчук Украина термасини олдинга олиб чиқди - 2:1.
1-турда Словакия терма жамоаси Бельгияни 1:0 ҳисобида мағлуб этган бўлса, Украина терма жамоаси Руминияга 0:3 ҳисобида имкониятни бой берган эди.
