Bir yarim yil avval “Chelsi” Mixail Mudrik uchun 70 million yevro to‘lagandi.

Yana 30 million yevro bonus sifatida «Shaxtyor» bilan shartnomaga kiritilgan. Biroq, ukrainalik futbolchining ingliz klubidagi o‘yini yaxshi taassurot qoldirmadi.

Angliya terma jamoasining sobiq darvozaboni Jo Xart Mudrik haqida fikr bildirdi. U Chempionlar ligasida "Seltik" safida Mixailga qarshi o‘ynadi.

“U ulkan iste’dodga ega. “Shaxtyor”da o‘ziga juda ishonganida men unga qarshi o‘ynaganman. To‘g‘risini aytsam, o‘sha paytlarda ular juda oddiy jamoaga ega edilar va biz yaxshi o‘ynagandik. Lekin u ikkala uchrashuvda ham menga gol urdi.

U Premyer-liga klubi bilan shartnoma imzolaganida hayajonlandim. U hali yosh, hozirgi “Chelsi” esa qiyin klub.

Agar ular oyoqqa turganlarida Mudrik o‘ynasa, men buni ko‘rishdan xursand bo‘laman”, dedi Xart BBC'ga.