Krishtianu Ronaldu Chexiyaga qarshi Yevro-2024ning birinchi o‘yinida 90 daqiqa harakat qildi va Portugaliya 2:1 hisobida irodali g‘alabaga erishdi.
Portugaliya terma jamoasi ustozi Roberto Martines 39 yoshli Ronalduga dam berish kerakmi degan savolga javob berdi.
"O‘tgan mavsumda Ronaldu necha daqiqa o‘ynaganini ko‘rdingizmi? U tajribaga ega, boshqa hech kim oltita Yevropa chempionatida o‘ynamagan", — dedi Martines va Ronaldu o‘ynashni davom ettirishga tayyorligini aniq aytdi. Shanba kuni Portugaliya Turkiya bilan o‘ynaydi.
