Aleksis Sanches "Inter"dan "Udineze"ga o‘tishi mumkin.
Chililik forvardning “neradzurrilar” bilan shartnomasi joriy mavsum oxirida yakuniga yetishi va u uzaytirilmasligi ma’lum qilingandi.
Jurnalist Janluka Di Marsioning fikricha, agar 35 yoshli forvard maoshi talabini pasaytirsa, Sanches erkin agent sifatida "Udineze"ga o‘tishi mumkin.
Hujumchi 2006 yildan 2011 yilgacha Italiya klubida o‘ynagan (ijara tanaffuslari bilan), shundan so‘ng u "Barselona"ga o‘tgan.
2023/24 yilgi mavsumda Aleksis Sanches A Seriyada “Inter” safida 23 ta o‘yinda maydonga tushib, 2 ta gol urdi va 5 ta golli uzatmani amalga oshirdi.
