Madridning “Real” klubi yangi hujumchi Kilian Mbappening rasmiy taqdimoti to‘xtatilishi mumkinligidan xavotirda emas, chunki futbolchi Yevro-2024 guruh bosqichining 1-turida Avstriyaga qarshi o‘yinda (0:1) va burnini sindirib olgan. Fransiya terma jamoasining turnirdagi o‘yinlaridan so‘ng, unga jarrohlik amaliyoti kerak bo‘ladi. Bu haqda AS xabar bermoqda.
Manbaning xabariga ko‘ra, Madrid klubi Mbappening ayni damda burni sinishiga qaramay, taqdimot marosimini o‘tkazishga tayyor. "Real Madrid" fransuz futbolchisining holati marosimga ta’sir qilmaydi, deb hisoblamoqda. Ta’kidlanishicha, Fransiya terma jamoasi 14 iyul kuni bo‘lib o‘tadigan Yevro-2024 finaliga chiqsa, u holda "Los Blankos" Mbappeni 16 iyul kuni taqdim etadi.
