Мадриднинг “Реал” клуби янги ҳужумчи Килиан Мбаппенинг расмий тақдимоти тўхтатилиши мумкинлигидан хавотирда эмас, чунки футболчи Евро-2024 гуруҳ босқичининг 1-турида Австрияга қарши ўйинда (0:1) ва бурнини синдириб олган. Франция терма жамоасининг турнирдаги ўйинларидан сўнг, унга жарроҳлик амалиёти керак бўлади. Бу ҳақда АS хабар бермоқда.

Манбанинг хабарига кўра, Мадрид клуби Мбаппенинг айни дамда бурни синишига қарамай, тақдимот маросимини ўтказишга тайёр. "Реал Мадрид" француз футболчисининг ҳолати маросимга таъсир қилмайди, деб ҳисобламоқда. Таъкидланишича, Франция терма жамоаси 14 июль куни бўлиб ўтадиган Евро-2024 финалига чиқса, у ҳолда "Лос Бланкос" Мбаппени 16 июль куни тақдим этади.