«Chelsi» Niko Uilyamsni sotib olish klubga juda qimmatga tushishiga ishonmoqda.

Avvalroq, London klubi «Bavariya»ga o‘tishni ma’qul ko‘rgan Maykl Olisedan rad javobidan so‘ng Uilyamsni sotib olishga e’tibor qaratishga qaror qilgani haqida ma’lumotlar paydo bo‘lgandi.

Insayder Fabrisio Romanoning so‘zlariga ko‘ra, «Chelsi»ning Uilyamsga nisbatan pozisiyasi o‘zgarmagan - klub «Atletik» yarim himoyachisini juda qadrlaydi, ammo uning transferi uchun zarur bo‘lgan miqdorni juda yuqori deb hisoblaydi. Qo‘shimchasiga, «ko‘klar» Uilyamsning maosh talablarini qondirishga tayyor emas.

Uilyamsning «Atletik»dagi tovon puli soliqlarni hisobga olmaganda 58 million yevrodan oshiqroq ekani xabar qilingan.

La Liga 2023/24 mavsumida Uilyams «Atletik» safida 31 ta o‘yinda maydonga tushib, 5 ta gol va 11 ta golli uzatmani amalga oshirgan.