«Челси» Нико Уильямсни сотиб олиш клубга жуда қимматга тушишига ишонмоқда.

Аввалроқ, Лондон клуби «Бавария»га ўтишни маъқул кўрган Майкл Олиседан рад жавобидан сўнг Уильямсни сотиб олишга эътибор қаратишга қарор қилгани ҳақида маълумотлар пайдо бўлганди.

Инсайдер Фабрицио Романонинг сўзларига кўра, «Челси»нинг Уильямсга нисбатан позицияси ўзгармаган - клуб «Атлетик» ярим ҳимоячисини жуда қадрлайди, аммо унинг трансфери учун зарур бўлган миқдорни жуда юқори деб ҳисоблайди. Қўшимчасига, «кўклар» Уильямснинг маош талабларини қондиришга тайёр эмас.

Уильямснинг «Атлетик»даги товон пули солиқларни ҳисобга олмаганда 58 миллион евродан ошиқроқ экани хабар қилинган.

Ла Лига 2023/24 мавсумида Уильямс «Атлетик» сафида 31 та ўйинда майдонга тушиб, 5 та гол ва 11 та голли узатмани амалга оширган.