"Brayton" yarim himoyachisi Paskal Gross kelajagi haqida hali bir qarorga kelmagan. Jurnalist Fabrisio Romano bergan ma’lumotlarga ko‘ra, germaniyalikda "chaykalar" bilan shartnomasini uzaytirish taklifi bor.
Nemisning jamoa bilan amaldagi shartnomasi kelasi yozda yakuniga yetadi. Gross xizmatlariga Germaniyaning ikki klubi qiziqish bildirmoqda. Gap "Ayntraxt" va Dortmundning "Borussiya"si haqida ketmoqda.
Agar futbolchi shu yozda ketishga qaror qilsa, bu klublar transferni tartibga solish uchun barcha imkoniyatlarni ishga soladi. Angliya Premyer-ligasining so‘nggi mavsumida Gross 4 ta gol urdi va 10 ta golli uzatmani amalga oshirdi.
