"Брайтон" ярим ҳимоячиси Паскал Гросс келажаги ҳақида ҳали бир қарорга келмаган. Журналист Фабрицио Романо берган маълумотларга кўра, германияликда "чайкалар" билан шартномасини узайтириш таклифи бор.
Немиснинг жамоа билан амалдаги шартномаси келаси ёзда якунига етади. Гросс хизматларига Германиянинг икки клуби қизиқиш билдирмоқда. Гап "Айнтрахт" ва Дортмунднинг "Боруссия"си ҳақида кетмоқда.
Агар футболчи шу ёзда кетишга қарор қилса, бу клублар трансферни тартибга солиш учун барча имкониятларни ишга солади. Англия Премьер-лигасининг сўнгги мавсумида Гросс 4 та гол урди ва 10 та голли узатмани амалга оширди.
