Hujumchi Xoselu "Real"da qolmaydi. COPE xabariga ko‘ra, 34 yoshli futbolchi shu yilning yozida klubini o‘zgartirishga qaror qilgan. Sababi “Real” birdaniga ikki hujumchi Kilian Mbappe va Endrik bilan shartnoma imzoladi.
Xoselu endi u Madrid jamoasida kamroq o‘yin vaqtini olishini tushunadi. "Real" Xoseluni "Espanyol"dan 1,5 million yevroga sotib olishni rejalashtirgandi, ammo futbolchi boshqa variantni ma’qul ko‘rdi.
Xoselu Yaqin Sharqqa safar qilishi kutilmoqda. Umuman olganda, Xoselu "Real" safida 51 ta o‘yin o‘tkazib, 19 ta gol urgan va sheriklari uchun 3 ta golli uzatmani amalga oshirgan.
