Rossiyalik bokschilar yana reytingda o‘rinlarni egallashlari mumkin bo‘ladi.
“Sanksiyalarni bekor qilish to‘g‘risidagi qaror iyun o‘rtalarida qabul qilingan.
Reytingdagi birinchi o‘zgarishlar allaqachon kuchga kirdi - RCC Boxing Promotions bokschisi Vasiliy Voysexovskiy (13-0, 7 KO) IBF jahon yengil vazn toifasi reytingida 13-o‘rinni egalladi”, — deyiladi RIA Novosti xabarida.
Ukrainadagi "maxsus operasiya" boshlanganidan ko‘p o‘tmay, ruslar IBF reytingidan chiqarilgandi.
IBF reytingi har oy yangilanadi. Ayni damda IBF reytingida turli vazn toifalarida rossiyalik Artur Beterbiyev, Vasiliy Voysexovskiy, Vladimir Shishkin, Ali Ismoilov, Zaur Abdullayev va Imom Xatayevlar joy olgan.
Avvalroq rossiyalik bokschilar 2024-yilgi Olimpiadaga saralash bahslarida faqat neytral maqomda qatnashish talabi tufayli ishtirok etishdan bosh tortgan edi.
Shunday qilib, ular Parijdagi o‘yinlarni o‘tkazib yuborishadi. Tokio-2020 o‘yinlarida rossiyaliklar oltita medalni qo‘lga kiritishgandi - bitta oltin, bitta kumush va to‘rtta bronza.
