Россиялик боксчилар яна рейтингда ўринларни эгаллашлари мумкин бўлади.
“Санкцияларни бекор қилиш тўғрисидаги қарор июнь ўрталарида қабул қилинган.

Рейтингдаги биринчи ўзгаришлар аллақачон кучга кирди - RCC Boxing Promotions боксчиси Василий Войцеховский (13-0, 7 КО) IBF жаҳон енгил вазн тоифаси рейтингида 13-ўринни эгаллади”, — дейилади РИА Новости хабарида.

Украинадаги "махсус операция" бошланганидан кўп ўтмай, руслар IBF рейтингидан чиқарилганди.

IBF рейтинги ҳар ой янгиланади. Айни дамда IBF рейтингида турли вазн тоифаларида россиялик Артур Бетербиев, Василий Войцеховский, Владимир Шишкин, Али Исмоилов, Заур Абдуллаев ва Имом Хатаевлар жой олган.

Аввалроқ россиялик боксчилар 2024-йилги Олимпиадага саралаш баҳсларида фақат нейтрал мақомда қатнашиш талаби туфайли иштирок этишдан бош тортган эди.

Шундай қилиб, улар Париждаги ўйинларни ўтказиб юборишади. Токио-2020 ўйинларида россияликлар олтита медални қўлга киритишганди - битта олтин, битта кумуш ва тўртта бронза.