Zlatko Dalich hakamning Xorvatiya - Italiya o‘yiniga 8 daqiqa qo‘shib berganidan norozi.

“Skuadra Adzurra” 98-daqiqada hisobni tenglashtirdi (1:1), guruhda 2-o‘rinni egalladi va Yevro-2024 pley-off bosqichiga yo‘llanma oldi. Xorvatlar uchinchi o‘rinni egalladi.

– Qo‘shib berilgan 8 daqiqa haqida nima deya olasiz, hakamni nima boshqargan va bu yakunda natijaga qanday ta’sir qildi?

- Albatta, u natijaga ta’sir qildi. Qo‘shib berilgan 8 daqiqani hakam qayerdan olganini bilmayman. Mana 5 yildan beri UYEFA va FIFAning xatti-harakatlari haqida gapiryapman, lekin hech kim eshitmayapti, men esa kulgili ko‘rinyapman. Biz hammamiz ular bilan solishtirganda arzimasmiz va men aytgan hamma gaplar shamolga tashlangan so‘zlardir.

8 daqiqa qo‘shib bo‘lmaydi. Buncha vaqtni to‘plash uchun qancha qoidabuzarlik va o‘yinni to‘xtatish kerak? – dedi Xorvatiya terma jamoasi bosh murabbiyi.

Uchrashuvni bosh hakam Denni Makkeli boshqarib bordi.