Italiyada "Udineze" va "Inter" klublarida to‘p tepgan sloveniyalik sobiq darvozabon Samir Xandanovich Janluiji Donnarummaga yuqori baho berdi.
U "PSJ" darvozabonini o‘z pozisiyasida dunyoning eng yaxshilaridan biri deb biladi. Eslatib o‘tamiz, Donnarumma avvalgi Yevropa chempionatining eng yaxshi o‘yinchisiga aylangan va shundan so‘ng “Milan”dan Fransiyaga ko‘chib o‘tgandi.
"Donnarumma dunyoning eng zo‘rlaridan biri, ammo Italiyada ikkita ajoyib darvozabon bor, chunki Vikario ham juda kuchli o‘yinchi.
"Tottenxem"da ajoyib mavsum o‘tkazdi. Italiyada darvozabonlar bilan bog‘liq muammolar yo‘q, chunki Donnarumma hali yosh va professional darajada o‘sishda davom etadi", deya Xandanovichning so‘zlarini keltiradi Sky Sports.