Niderlandiya Qirollik Futbol Assosiasiyasining (KNVB) mustaqil lisenziya qo‘mitasi dushanba kuni "Vitess"ning professional lisenziyasini bekor qildi.

"Vitess"ga ishlarini tartibga solish uchun dushanba kuni soat 12 ga qadar vaqt berildi. Oliy diviziondan tushib ketgan klub kelasi mavsum uchun bir million dollarlik byudjet kamomadi va 19 million yevro qarzini qoplashi kerak edi. Inqiroz bo‘yicha menejerlar Edvin Reyntyes va Pol van der Kraan oxirgi kuni moliyaviy muammolarni hal qilish uchun ko‘p harakat qilishdi, ammo oxirgi soatlarda ishlar noto‘g‘ri ketdi. Niderlandiyalik investor yordamida "Vitess"ni qutqarmoqchi bo‘lgan amerikalik xaridor sotib olish rejalaridan voz kechdi. Shu sababli "Vitess" muvozanatli hisoblarni taqdim eta olmadi. Yakunda klubi professional lisenziyasidan mahrum bo‘ldi.

"Vitess" qaror ustidan shikoyat qiladi, ya’ni 1892 yilda tashkil etilgan klub hozircha mavjud bo‘lib qoladi. Klub yaqin orada niderlandiyalik sarmoyador Guus Franke bilan sotib olish bo‘yicha kelishuvga erishishga umid qilmoqda.