Нидерландия Қироллик Футбол Ассоциациясининг (KNVB) мустақил лицензия қўмитаси душанба куни "Витесс"нинг профессионал лицензиясини бекор қилди.

"Витесс"га ишларини тартибга солиш учун душанба куни соат 12 га қадар вақт берилди. Олий дивизиондан тушиб кетган клуб келаси мавсум учун бир миллион долларлик бюджет камомади ва 19 миллион евро қарзини қоплаши керак эди. Инқироз бўйича менежерлар Эдвин Рейнтьес ва Поль ван дер Краан охирги куни молиявий муаммоларни ҳал қилиш учун кўп ҳаракат қилишди, аммо охирги соатларда ишлар нотўғри кетди. Нидерландиялик инвестор ёрдамида "Витесс"ни қутқармоқчи бўлган америкалик харидор сотиб олиш режаларидан воз кечди. Шу сабабли "Витесс" мувозанатли ҳисобларни тақдим эта олмади. Якунда клуби профессионал лицензиясидан маҳрум бўлди.

"Витесс" қарор устидан шикоят қилади, яъни 1892 йилда ташкил этилган клуб ҳозирча мавжуд бўлиб қолади. Клуб яқин орада нидерландиялик сармоядор Гуус Франке билан сотиб олиш бўйича келишувга эришишга умид қилмоқда.