Braziliya terma jamoasi Amerika kubogini omadsiz boshlab, Kosta-Rika bilan 0:0 hisobida durang o‘ynadi.

Ushbu o‘yindan so‘ng jarohati tufayli turnirni o‘tkazib yuborayotgan Neymar ijtimoiy tarmoqlarda post qoldirdi.

"Maydonga tushganimizda, biz qo‘limizdan kelganini qilishni xohlaymiz. Shunday kunlar bo‘ladiki, hech narsa chiqmaydi, lekin shunday kunlar borki, hammasi yaxshi bo‘ladi. Futbolchi bo‘lish har bir pas, har bir zarba, har bir qaror uchun doimo baholanish demakdir. Va nima uchun? Chunki har bir braziliyalik Braziliya terma jamoasida o‘ynashni xohlaydi, hamma orzu qildi, hamma harakat qildi. Shuning uchun ham jamoadan tashqaridagilarning hammasi o‘zini jamoa ichidagilardan ko‘ra ko‘proq biladi deb o‘ylaydi", - deb yozdi Neymar.

Neymar braziliyalik futbolchilarni navbatdagi o‘yin oldidan mashg‘ulotlarni davom ettirishga va kuch olishga chaqirishda davom etdi. Neymarning so‘zlariga ko‘ra, u ushbu Braziliya jamoasiga ishonadi. Braziliya terma jamoasi shanba oqshomida Amerika Kubogidagi ikkinchi o‘yinini - Paragvayga qarshi o‘tkazadi.