Бразилия терма жамоаси Америка кубогини омадсиз бошлаб, Коста-Рика билан 0:0 ҳисобида дуранг ўйнади.

Ушбу ўйиндан сўнг жароҳати туфайли турнирни ўтказиб юбораётган Неймар ижтимоий тармоқларда пост қолдирди.

"Майдонга тушганимизда, биз қўлимиздан келганини қилишни хоҳлаймиз. Шундай кунлар бўладики, ҳеч нарса чиқмайди, лекин шундай кунлар борки, ҳаммаси яхши бўлади. Футболчи бўлиш ҳар бир пас, ҳар бир зарба, ҳар бир қарор учун доимо баҳоланиш демакдир. Ва нима учун? Чунки ҳар бир бразилиялик Бразилия терма жамоасида ўйнашни хоҳлайди, ҳамма орзу қилди, ҳамма ҳаракат қилди. Шунинг учун ҳам жамоадан ташқаридагиларнинг ҳаммаси ўзини жамоа ичидагилардан кўра кўпроқ билади деб ўйлайди", - деб ёзди Неймар.

Неймар бразилиялик футболчиларни навбатдаги ўйин олдидан машғулотларни давом эттиришга ва куч олишга чақиришда давом этди. Неймарнинг сўзларига кўра, у ушбу Бразилия жамоасига ишонади. Бразилия терма жамоаси шанба оқшомида Америка Кубогидаги иккинчи ўйинини - Парагвайга қарши ўтказади.