"Roma" bosh murabbiyi Daniele De Rossi bilan shartnomasini 2027 yilgacha uzaytirdi. Bu haqda Rim klubi rasmiy sayti xabar bermoqda.
40 yoshli mutaxassis 2024 yilning 16 yanvarida ushbu lavozimda portugaliyalik murabbiy Joze Mourinyo o‘rniga “Roma” bosh murabbiyi lavozimini egallagan edi.
Bu davrda uning qo‘l ostida “bo‘rilar” barcha turnirlarda 26 ta o‘yin o‘tkazib, 14 marta g‘alaba qozongan, olti bor durang o‘ynagan va olti marta mag‘lubiyatga uchragan.
Italiya A Seriyasining so‘nggi mavsumi yakuniga ko‘ra, “bo‘rilar” 63 ochko jamg‘arib, oltinchi o‘rinni egalladi.
