“Metallurg” birinchi davraning 13-turni Olmaliqda Qarshining “Nasaf” jamoasiga qarshi o‘tkazadi. Bu mazkur jamoalar o‘rtasidagi 53-uchrashuv bo‘ladi. Ortda qolgan o‘yinlarning 33 tasida vohaliklar, 12 uchrashuvda  esa “Metallurg” g‘alaba qozongan. 7 ta o‘yinda kuchlar teng kelgan. To‘plar nisbati “Nasaf” foydasiga 86:40.

“Nasaf”ning Bekobod klubi ustidan qozongan yirik g‘alabasi – 7:0 (2004) ga teng. “Metallurg” esa ushbu raqibini 3:0 (2002) hisobida mag‘lub eta olgan.

Jamoalarning Bekoboddagi o‘yinlarida ham kichik ustunlik “Nasaf” tomonida. 26 o‘yinning 10 tasida “Metallurg” zafar quchgan bo‘lsa, 12 tasida “Nasaf” g‘alaba qozongan. 4 ta o‘yinda kuchlar teng kelgan. To‘plar nisbati – 25:29.

Bekobodda bo‘lib o‘tgan so‘nggi beshta uchrashuv:

15.05.2023 «Metallurg» – «Nasaf» 1:2
12.08.2022 «Metallurg» – «Nasaf» 0:2
23.06.2021 «Metallurg» – «Nasaf» 2:1
26.10.2020 «Metallurg» – «Nasaf» 0:2
23.06.2019 «Metallurg» – «Nasaf» 0:1

“Nasaf” haqida

“Nasaf” FK ga 1985 yilda asos solingan. Jamoa turli yillarda “Geolog”, “Paxtachi”, “Nasaf”,  “Dinamo-Nasaf” nomi bilan musobaqalarda qatnashdi. Qarshi mamlakatimizning eng kuchli klublaridan biri sanaladi: 4 karra mamlakat vise-chempioni, 10 marta bronza medali sohibi bo‘lgan. O‘zbekiston kubogi hamda Superkubogini 2 martadan qo‘lga kiritgan. OFK kubogi sohibi.  

“Nasaf” gvardiyachisi jamoa bosh murabbiyi Ro‘ziqul Berdiyev (314 o‘yin) sanaladi. To‘purari Zafar Xolmurodov – 181 ta gol. Mavsum rekordchisi ham Zafar Xolmurodov – 30 ta gol.
Jamoaning eng yirik hisobdagi g‘alabasi – 8:1 (2004 yil – “Andijon”), 7:0 (2004 yil – “Metallurg”). Eng yirik mag‘lubiyati esa – 0:6 (1998 yil – “Andijon”).

“Nasaf” bugungacha kuchlilar safida 791 ta o‘yin o‘tkazgan: 430 ta g‘alaba, 170 ta durang, 191 ta mag‘lubiyat. Raqiblar darvozasiga 1371 ta gol kiritgan holda, o‘z darvozasidan 831 ta to‘p olib chiqqan.