"Milan" "Chelsi" hujumchisi Romelu Lukakuga qiziqish bildirmoqda. "Ko‘k-anorranglilar" belgiyalik futbolchini shu yozda sotishni kutmoqda, futbolchining o‘zi esa yana A Seriyada o‘ynashni xohlaydi.
Insayder Janluka Di Marsio xabariga ko‘ra, seshanba kuni "Chelsi" va "Milan" 31 yoshli forvardning transferini muhokama qilish uchun yig‘ilish o‘tkazishgan. Bundan tashqari, yaqin vaqt ichida “rossonerilar” vakillari futbolchining atrofidagilar bilan uchrashib, hamkorlik shartlarini kelishib olishni rejalashtirmoqda.
Romelu Lukakuga davogarlar orasida "Napoli" ham bor, uning yangi bosh murabbiyi Antonio Konte shartnomani yakunlashni xohlaydi.
