"Barselona" hujumchisi Ansu Fati klubda o‘zini ko‘rsatish uchun yana bir imkoniyatga ega bo‘ladi. 21 yoshli futbolchi Angliyaning "Brayton" klubida ijara asosida o‘ynab, o‘tgan mavsumni yaxshi o‘tkazmadi.
Ispaniyalik futbolchi yangi mavsumni "Barselona"da boshlaydi. Jurnalist Fernando Poloning so‘zlariga ko‘ra, Kataloniya klubi yangi murabbiy uning fazilatlari bilan tanishishi uchun Fatini tezda eng yuqori jismoniy holatga keltirmoqchi.
"Barselona" yangi fitnes xodimlari bilan forvard uchun maxsus dastur tuzadi. Ansu Fati “Brayton” safida 27 ta o‘yinda maydonga tushib, 4 ta gol va bitta golli uzatmani amalga oshirdi.
