"Барселона" ҳужумчиси Ансу Фати клубда ўзини кўрсатиш учун яна бир имкониятга эга бўлади. 21 ёшли футболчи Англиянинг "Брайтон" клубида ижара асосида ўйнаб, ўтган мавсумни яхши ўтказмади.
Испаниялик футболчи янги мавсумни "Барселона"да бошлайди. Журналист Фернандо Полонинг сўзларига кўра, Каталония клуби янги мураббий унинг фазилатлари билан танишиши учун Фатини тезда энг юқори жисмоний ҳолатга келтирмоқчи.
"Барселона" янги фитнес ходимлари билан форвард учун махсус дастур тузади. Ансу Фати “Брайтон” сафида 27 та ўйинда майдонга тушиб, 4 та гол ва битта голли узатмани амалга оширди.
