Bilasiz, Farhod Nishonov boshqaruvidagi O‘zbekiston U-20 terma jamoasi iyul oyida Parijda yig‘in o‘tkazgan holda Fransiyaga qarshi o‘rtoqlik o‘yinlarida ishtirok etadi.

Oldinda turgan U-20 Osiyo kubogi musobaqasiga tizimli tayyorgarlik ko‘rayotgan jamoamiz tarkibida to‘p surishga nomzod bo‘lgan bir qator iqtidorli futbolchilarni sinovdan o‘tkazish maqsadida Qirg‘iz Respublikasida o‘tadigan CAFA U-20 musobaqasida ishtirok etishi rejalashtirilgan.

Musobaqa 5-12 iyul kunlari Jalolobodda o‘tkaziladi. Yoshlarimiz «B» guruhida Eron va Turkmaniston bilan bahs olib boradilar. Final uchrashuvlari 11-12 iyul kunlari bo‘lib o‘tadi.

Jamoamizni o‘yinlarga tajribali mutaxassis, O‘zbekiston U-20 terma jamoasi maslahatchi murabbiyi Rauf Inileev tayyorlab boradi.