Guruh bosqichi yakunlangani sababli Yevropa chempionatida qisqa tanaffus bo‘ladi. Futbol ishqibozlari ikki kunni futbolsiz o‘tkazishlariga to‘g‘ri keladi, shundan so‘ng turnirning 1/8 final bosqichi boshlanadi.
Portugaliya terma jamoasi chorshanba oqshomida Gruziyaga 0:2 hisobida imkoniyatni boy berdi. Biroq Roberto Martines jamoasi juda xafa bo‘lmasligi kerak, chunki maydonga tushishdan oldin Portugaliya "F" guruhida birinchi o‘rinni qo‘lga kiritib bo‘lgan edi.
Shu tariqa, yevro-2024 guruh bosqichida faqat bitta jamoa uchta o‘yinda ham g‘alaba qozondi. Bu Ispaniya jamoasi bo‘ldi. Qolaversa, "qizil furiya" birorta ham gol o‘tkazib yubormadi.
