Ketma-ket ikkita g‘alabadan so‘ng Portugaliya terma jamoasi uchinchi o‘yinda Gruziya terma jamoasiga imkoniyatni boy berdi va bosh murabbiy Roberto Martines raqib g‘alabaga munosib ekanini yashirmadi.
"Bu mag‘lubiyat. Biz sekin boshladik, erta gol o‘tkazib yubordik va bu Gruziyaga kerak edi. Ularning darvozaboni ham ajoyib o‘yin o‘tkazdi. Gol urmadik, ammo gruzinlar o‘ziga bo‘lgan ishonchni oshirib boraverdi. Va ular g‘alabaga loyiq edilar", - deya Martines so‘zlarini keltiradi BBC Sport.
Ushbu kutilmagan mag‘lubiyatga qaramay, Portugaliya terma jamoasi o‘z guruhida birinchi o‘rinni egalladi.
