Кетма-кет иккита ғалабадан сўнг Португалия терма жамоаси учинчи ўйинда Грузия терма жамоасига имкониятни бой берди ва бош мураббий Роберто Мартинес рақиб ғалабага муносиб эканини яширмади.
"Бу мағлубият. Биз секин бошладик, эрта гол ўтказиб юбордик ва бу Грузияга керак эди. Уларнинг дарвозабони ҳам ажойиб ўйин ўтказди. Гол урмадик, аммо грузинлар ўзига бўлган ишончни ошириб бораверди. Ва улар ғалабага лойиқ эдилар", - дея Мартинес сўзларини келтиради BBC Sport.
Ушбу кутилмаган мағлубиятга қарамай, Португалия терма жамоаси ўз гуруҳида биринчи ўринни эгаллади.
