Belgiya terma jamoasi yarim himoyachisi Kevin De Bryuyne Yevro-2024 1/8 finalida bo‘lib o‘tadigan Fransiya bilan bo‘lajak uchrashuv haqida o‘z fikrini aytdi.
Domeniko Tedesko shogirdlari guruh bosqichining so‘nggi turida Ukraina terma jamoasi bilan durang o‘ynadi (0:0), ammo bu ikkinchi o‘rindan pley-offga chiqish uchun yetarli bo‘ldi. 1 iyul kuni belgiyaliklar Fransiya termasi bilan chorak final yo‘llanmasi uchun kurash olib boradi.
"Endi biz tiklanishimiz kerak, shunda Fransiyaga qarshi o‘yinga yaxshi holatda yaqinlasha olamiz. O‘ylaymanki, biz bu o‘yinda autsayder bo‘lamiz, ammo turnirda g‘alaba qozonish uchun har qanday raqibni mag‘lub etishimiz kerak", - dedi De Bryuyne.
