Portugaliya terma jamoasi bosh murabbiyi Roberto Martines 2024 yilgi Yevropa chempionati guruh bosqichi 3-tur uchrashuvidagi mag‘lubiyatdan so‘ng Gruziya terma jamoasining ikki nafar futbolchisini alohida ta’kidladi.
"Agar ularni tahlil qilsangiz, ajoyib o‘yin ko‘rsatgan darvozaboni va Yevropaning kuchli beshlik driblingchilaridan biri bo‘lgan Kvarasxeliya haqida gapirish mumkin. Ajablanarlisi shundaki, ular 90 daqiqa davomida o‘zlarining shiddatliligi va ishonchini saqlab qolishga muvaffaq bo‘lishdi, chunki so‘nggi o‘n daqiqada bizda haqiqiy imkoniyatlar bo‘ldi. Ularning murabbiyi ajoyib ish qildi", - deya Martinesning so‘zlarini keltiradi UEFA rasmiy sayti.
Yevro-2024 guruh bosqichining so‘nggi turida Gruziya terma jamoasi sensatsion tarzda Portugaliyani mag‘lub etdi (2:0) va uchinchi o‘rindan pley-offga yo‘l oldi. 1/8 finalda Portugaliya termasi Sloveniya bilan, Gruziya Ispaniya bilan bahs olib boradi.
