Португалия терма жамоаси бош мураббийи Роберто Мартинес 2024 йилги Европа чемпионати гуруҳ босқичи 3-тур учрашувидаги мағлубиятдан сўнг Грузия терма жамоасининг икки нафар футболчисини алоҳида таъкидлади.
"Агар уларни таҳлил қилсангиз, ажойиб ўйин кўрсатган дарвозабони ва Европанинг кучли бешлик дриблингчиларидан бири бўлган Кварацхелия ҳақида гапириш мумкин. Ажабланарлиси шундаки, улар 90 дақиқа давомида ўзларининг шиддатлилиги ва ишончини сақлаб қолишга муваффақ бўлишди, чунки сўнгги ўн дақиқада бизда ҳақиқий имкониятлар бўлди. Уларнинг мураббийи ажойиб иш қилди", - дея Мартинеснинг сўзларини келтиради УEФА расмий сайти.
Евро-2024 гуруҳ босқичининг сўнгги турида Грузия терма жамоаси сенсацион тарзда Португалияни мағлуб этди (2:0) ва учинчи ўриндан плей-оффга йўл олди. 1/8 финалда Португалия термаси Словения билан, Грузия Испания билан баҳс олиб боради.
