Belgiya terma jamoasi himoyachisi Vout Fas 3-turda Ukrainaga qarshi o‘yindan so‘ng (0:0) o‘z fikrlarini bildirib o‘tdi.
Bu natija belgiyaliklarga Yevropa chempionati pley-off bosqichiga ikkinchi o‘rindan chiqish uchun yetarli bo‘ldi.
“Bu qiyin o‘yin bo‘ldi. Bizda gol urish uchun imkoniyatlar bo‘ldi va biz guruhda g‘alaba qozonishimiz mumkin edi, lekin menimcha, eng muhimi biz mag‘lubiyatga uchramadik yoki quyiga tushib ketmadik.
Ukrainaliklarning yaxshi jamoasi bor, ular yaxshi o‘ynashdi. Endi orqaga nazar tashlab, bizda qiyin guruh bo‘lganini aytishim mumkin", - deya Fasning so‘zlarini keltiradi UEFA sayti.