Бельгия терма жамоаси ҳимоячиси Воут Фас 3-турда Украинага қарши ўйиндан сўнг (0:0) ўз фикрларини билдириб ўтди.
Бу натижа бельгияликларга Европа чемпионати плей-офф босқичига иккинчи ўриндан чиқиш учун етарли бўлди.
“Бу қийин ўйин бўлди. Бизда гол уриш учун имкониятлар бўлди ва биз гуруҳда ғалаба қозонишимиз мумкин эди, лекин менимча, энг муҳими биз мағлубиятга учрамадик ёки қуйига тушиб кетмадик.
Украиналикларнинг яхши жамоаси бор, улар яхши ўйнашди. Энди орқага назар ташлаб, бизда қийин гуруҳ бўлганини айтишим мумкин", - дея Фаснинг сўзларини келтиради УEФА сайти.
