“Yuventus”ning serbiyalik yarim himoyachisi Filip Kostich faoliyatini Angliya chempionatida davom ettirishi mumkin.

Football Italia xabariga ko‘ra, 31 yoshli futbolchining xizmatlariga "Kristal Pelas" qiziqish bildirmoqda. Qayd etilishicha, “burgutlar” bosh murabbiyi, Kostichni “Ayntraxt”dagi faoliyatidan tanigan Oliver Glasner futbolchini o‘z jamoasida ko‘rmoqchi.

Kostich 2022 yilning yozidan beri Turin klubiga tegishli. O‘tgan mavsumda yarim himoyachi "Yuventus" safida barcha turnirlar doirasida 33 ta o‘yinda maydonga tushib, 4 ta golga assistentlik qilgan. Futbolchining klub bilan shartnomasi 2026 yilgacha mo‘ljallangan va transfer narxi 6,5 million yevroga baholanmoqda.