“Ювентус”нинг сербиялик ярим ҳимоячиси Филип Костич фаолиятини Англия чемпионатида давом эттириши мумкин.
Football Italia хабарига кўра, 31 ёшли футболчининг хизматларига "Кристал Пэлас" қизиқиш билдирмоқда. Қайд этилишича, “бургутлар” бош мураббийи, Костични “Айнтрахт”даги фаолиятидан таниган Оливер Гласнер футболчини ўз жамоасида кўрмоқчи.
Костич 2022 йилнинг ёзидан бери Турин клубига тегишли. Ўтган мавсумда ярим ҳимоячи "Ювентус" сафида барча турнирлар доирасида 33 та ўйинда майдонга тушиб, 4 та голга ассистентлик қилган. Футболчининг клуб билан шартномаси 2026 йилгача мўлжалланган ва трансфер нархи 6,5 миллион еврога баҳоланмоқда.
