"Yuventus"ning yangi bosh murabbiyi Tyago Motta himoyachi Federiko Gattini jamoada saqlab qolish niyatida.
"Byankonerilar" murabbiyi 26 yoshli markaziy himoyachini ikki sababga ko‘ra muhim o‘yinchi deb hisoblaydi: italiyalik futbolchi himoyada bir vaqtning o‘zida bir nechta pozisiyalarni egallashga qodir, shuningdek, muvaffaqiyatga erishishda yordam beradigan jangovar ruhi bilan mashhur, deya qayd etadi insayder Alfredo Pedulla.
"Yuventus" futbolchini o‘z safida saqlab qolishga qat’iy sodiq va Angliya Premyer-ligasi klublarining bir nechta takliflarini allaqachon rad etgan. O‘tgan mavsumda Federiko Gatti turinliklar safida barcha musobaqalarda 36ta o‘yin o‘tkazib, 4ta gol urgan. Himoyachining amaldagi shartnomasi 2028 yilgacha mo‘ljallangan.
