"Ювентус"нинг янги бош мураббийи Тьяго Мотта ҳимоячи Федерико Гаттини жамоада сақлаб қолиш ниятида.
"Бьянконерилар" мураббийи 26 ёшли марказий ҳимоячини икки сабабга кўра муҳим ўйинчи деб ҳисоблайди: италиялик футболчи ҳимояда бир вақтнинг ўзида бир нечта позицияларни эгаллашга қодир, шунингдек, муваффақиятга эришишда ёрдам берадиган жанговар руҳи билан машҳур, дея қайд этади инсайдер Альфредо Педулла.
"Ювентус" футболчини ўз сафида сақлаб қолишга қатъий содиқ ва Англия Премьер-лигаси клубларининг бир нечта таклифларини аллақачон рад этган. Ўтган мавсумда Федерико Гатти туринликлар сафида барча мусобақаларда 36та ўйин ўтказиб, 4та гол урган. Ҳимоячининг амалдаги шартномаси 2028 йилгача мўлжалланган.
