Madridning "Atletiko" klubi va Ispaniya terma jamoasi hujumchisi Alvaro Morata faoliyatidagi qiyinchiliklar haqida gapirdi.
"Men tubga tushdim va sochiqni tashlashni o‘yladim. Bu haqda ko‘p gapirishni istamayman... Xuddi har doim bahona topayotganga yoki shikoyat qilayotganga o‘xshayman. Bu hurmat masalasi.
Men ko‘chada oilam bilan ko‘p epizodlarni boshdan kechirdim. Qanchalik noxush epizodlarga chidashingizdan qat’iy nazar, bolalar bilan supermarketga ketayotganimda yoki mashg‘ulotlarga olib borganimda, bu mening kundalik ishim edi. Meni juda kam odam biladi. Umrim davomida uchratgan ko‘p insonlar esa ular bilan uchrashganimdan keyin men haqimda o‘z fikrlarini o‘zgartirdilar.
Men sochiqni tashlash haqida ko‘p marta o‘yladim, lekin oxirida men bolalarimga o‘z voqeamni aytib bersam, ularga o‘rgatishim mumkin bo‘lgan eng yaxshi narsa - men ko‘p marta esdan chiqarilganman, lekin yakunda men yaxshi bo‘lishni uddalaganman. Men bundan faxrlanaman" - dedi Morata.
Oldinroq ispaniyalik futbolchi "Atletiko"da qolish-qolmasligini bilmasligini aytgandi. Alvaro Ispaniya bilan birgalikda 30 iyun kuni Yevro-2024 1/8 doirasidagi Gruziya terma jamoasiga qarshi o‘ynaydi.
Joriy mavsumda 31 yoshli forvard 48 o‘yin o‘tkazib, 21 gol urdi va 4 golga assistentlik qildi.
