Britaniyalik promouter, "Matchroom Boxing" tashkiloti rahbari Eddi Xirn mijozi, super yarimo‘rta vazn toifasida WBA yo‘nalishi chempioni Isroil Madrimov hamda amerikalik Terens Krouford to‘qnashuvi haqida gapirdi.
"Menimcha, Kroufordning jamoasi Isroilga past baho beryapti, ammo bu yigit juda jiddiy, u juda kuchli zarba sohibi. Hamma Krouford bu bahsdan keyin Kaneloga qarshi jang o‘tkazishini aytmoqda. Meni noto‘g‘ri tushunmang, Krouford bu jangda favorit hisoblanadi. Bunga hech kim shubha qilmaydi, lekin Madrimov juda jiddiy raqib. U yigitning ajoyib harakatlari bor, Isroil hozir o‘zining eng yuqori sport formasida. Bu Krouford uchun oson jang bo‘lmaydi", - deydi Xirn.
Eslatib o‘tamiz, Madrimov - Krouford chempionlik jangi 3 avgust kuni Los-Anjelesda bo‘lib o‘tadi.
