Amerika kubogi guruh bosqichi 3-turidan o‘rin olgan AQSH va Urugvay terma jamoalari o‘rtasidagi uchrashuv bosh hakami Kevin Ortega o‘yin yakunida AQSH terma jamoasi sardori Kristian Pulishichning qo‘lini siqishdan bosh tortdi.
Yakuniy hushtagi chalingandan so‘ng hujumchi hakamlar guruhiga yaqinlashib, laynsmenlardan biri bilan qo‘l berib ko‘rishdi, so‘ng uni Ortega tomon uzatdi, ammo perulik hakam qo‘llarini ishora qilib orqasiga qo‘ydi, shundan so‘ng Pulishich perulik hakamga nimadir dedi, biroq u javob o‘rnida jim turdi.
Daily Mail nashri xabariga ko‘ra, o‘yin davomida amerikalik futbolchi bir necha bor Orteganing qarorlaridan noroziligini bildirgan va unga o‘z noroziligini haddan tashqari emosional ravishda baland ohangda bildirgan.
AQSH 0:1 hisobida mag‘lub bo‘ldi va 3 ochko bilan guruhda uchinchi o‘rinni egallab, turnirdan chiqib ketdi.
