Америка кубоги гуруҳ босқичи 3-туридан ўрин олган АҚШ ва Уругвай терма жамоалари ўртасидаги учрашув бош ҳаками Кевин Ортега ўйин якунида АҚШ терма жамоаси сардори Кристиан Пулишичнинг қўлини сиқишдан бош тортди.
Якуний ҳуштаги чалингандан сўнг ҳужумчи ҳакамлар гуруҳига яқинлашиб, лайнсменлардан бири билан қўл бериб кўришди, сўнг уни Ортега томон узатди, аммо перулик ҳакам қўлларини ишора қилиб орқасига қўйди, шундан сўнг Пулишич перулик ҳакамга нимадир деди, бироқ у жавоб ўрнида жим турди.
Daily Mail нашри хабарига кўра, ўйин давомида америкалик футболчи бир неча бор Ортеганинг қарорларидан норозилигини билдирган ва унга ўз норозилигини ҳаддан ташқари эмоционал равишда баланд оҳангда билдирган.
АҚШ 0:1 ҳисобида мағлуб бўлди ва 3 очко билан гуруҳда учинчи ўринни эгаллаб, турнирдан чиқиб кетди.
