30 iyun oqshomida Gruziya terma jamoasi Yevro-2024 ni tark etdi. Yevropa chempionatining 1/8 finalida gruziyaliklar Ispaniya terma jamoasiga yirik hisobda mag‘lub bo‘lishdi (1:4).
Gruziya jamoasining sensasiyasini yaratuvchilardan biri Xvicha Kvarasxeliya o‘z jamoasining turnirni tark etishi haqida gapirdi.
"Biz Yevropa chempionatini g‘urur bilan, ko‘plab ajoyib his-tuyg‘ular va xotiralar bilan tark etmoqdamiz.
Biz xalqimizga, yurtimizga ko‘p quvonch bag‘ishladik. Men barchaga rahmat aytmoqchiman, biz ishlashda davom etamiz, rivojlanamiz va kuchliroq bo‘lib qaytamiz”, deb yozadi Kvarasxeliya o‘zining ijtimoiy tarmog‘ida.
