30 июнь оқшомида Грузия терма жамоаси Евро-2024 ни тарк этди. Европа чемпионатининг 1/8 финалида грузияликлар Испания терма жамоасига йирик ҳисобда мағлуб бўлишди (1:4).
Грузия жамоасининг сенсациясини яратувчилардан бири Хвича Кварацхелия ўз жамоасининг турнирни тарк этиши ҳақида гапирди.
"Биз Европа чемпионатини ғурур билан, кўплаб ажойиб ҳис-туйғулар ва хотиралар билан тарк этмоқдамиз.
Биз халқимизга, юртимизга кўп қувонч бағишладик. Мен барчага раҳмат айтмоқчиман, биз ишлашда давом этамиз, ривожланамиз ва кучлироқ бўлиб қайтамиз”, деб ёзади Кварацхелия ўзининг ижтимоий тармоғида.
