Italiyalik mutaxassis Stefano Pioli Saudiya Arabistonining «Al-Ittihod» klubini boshqarishga yaqin turibdi.
Insayder Fabrisio Romano tarqatgan xabarga ko‘ra, «Milan» klubining sobiq ustozi saudiyaliklar bilan 2027 yilgacha bo‘lgan shartnoma imzolaydi. «Al-Ittihod» rahbariyati Pioliga ideal nomzod sifatida qaramoqda.
Tarkibida Karim Benzema va Ngolo Kante bo‘lgan «Al-Ittihod» klubi Saudiya Arabistoni chempionatining avvalgi mavsumida 5-o‘rinni egalladi. Mavsum yakunida klub Marselo Galyardoni iste’foga chiqardi.